SERANGAN “VIREUS” PESBUK

Zaman kiwari, utami na urang kota, saha nu teu kenal pesbuk (facebook/FB maksad teh..)..barudak leutik, abege, ibu-ibu, bapa-bapa nepi keun ka aki jeung nini teu aneh marejeng di pesbuk. Pesbuk dikenalkeun ku Mark Zuckerberg taun 2004, harita si Mark nyebatna “The FB”. Media nu tadina ngan saukur kanggo komunikasi antar mahasiswa di Harvard University, ayeuna tos mendunia. Pesbuk tos diterjemahkeun ka 30 an bahasa di dunia kalebet bahasa Indonesia…ayeuna nuju proses nerjemahkeun ka 60 bahasa…eta nilai saham FB kiwari nilaina tos 15 miliar dolar…waduh, sabaraha triliyun nya mun di rupiahkeun ?...

Kumaha teu dipikaresep, FB ayeuna tos janten tren nu tiasa ngelehkeun euphoria pemilu, reformasi jeung masalahna… di FB jalmi tiasa ngabagi rasa, ngabagi informasi, heureuy, ngaekspresikeun diri nyalira, tiasa icalan, tiasa masang foto…ajang narsis lah pokona mah. Sah-sah wae sih nu resep masang foto mah, nu penting gambar-gambarna sopan, tiasa dipertanggungjawabkeun…caleg wae ayeuna mah ngempelkeun dukungan lewat pesbuk. Nurutan Barry Obama kamari basa kampanye capres Amrik, Obama mejeng di pesbuk…kenging sumbangan kampanye dugi ka 6,9 triliyun rupia ti 3 juta jalmi nu nganggo internet kalebet anggota pesbuk, sukses tah si Barry nu pernah sakola SD di menteng teh janten presiden nagara adikuasa..ckck..heibat lah…
Alumni SMA Cilimus nu ayeuna nuju nyalonkeun janten caleg oge aya di pesbuk, bu Iin Indriani, alumni angkatan ’79 kanggo daerah pemilihan Bekasi…sukses nya Ceu…mudah-mudahan tos janten anggota dewan tiasa ngabantos ka almamater…amin..

Sim kuring, salah saurang nu ngamanfaatkeun pesbuk teh estu keur nyambungkeun deui silaturahmi...babaturan nu acan mejeng, sok dipapanas meh masang foto sareng identitas. Alhamdullilah, ujug-ujug we rerencangan ti jaman iraha, malah mah tilas kabogoh jaman SMP ngadak-ngadak tiasa ngobrol, padahal teu pendak na ge puluhan taun. Tah rerencangan alumni sakola urang ge geuning kaluar saurang-saurang…nu isinan keneh (teu di foto an, pajarkeun teh teu pede cenah tos sepuh…hehehe) dugi keun ka nu super pede ngadamel album foto macem-macem gaya pleus ekspresi…siiip lah…dina pesbuk oge aya grup SMA Negeri 1 Cilimus, adi-adi kelas nu keur resep-resep na ngoprek IT meni sumanget bade ngempelkeun sadaya alumni sakola urang ti sadaya angkatan cenah…Alhamdullilah..hatur nuhun kanggo adi-adi alumni SMA Necis nu tos ngempelkeun alumni, dina grup ieu, brarti cinta sareng merhatoskeun almamater..mugi enggal nambih seueur anggota na nya, meh tambih sae silaturahmina..

Kanggo rencana reuni 3 angkatan, pesbuk tiasa dijantenkeun media oge. Emang sih teu sadaya rerencangan urang tiasa akses internet, tapi sahenteuna kanggo ngagampilkeun panitia nyebar informasi, nyebar uleman mah lumayan tiasa ngabantos. Da geuning “gara-gara” pesbuk ayeuna janten usum reuni an ?...hehe…hebat nya pesbuk teh, tiasa ngahubungkeun jalmi ti zaman iraha ka zaman iraha dina waktos nu teu lami..sasih kamari sim kuring ujug-ujug we reunian sareng rerencangan kuliah, padahal undangan na mung diserat di FB, ujug-ujug we ngumpul 30 jalmi…rame cipika-cipiki..

Ieu daftar alumni ’87 nu tos aya di pesbuk : Seto Indrio Yudo, Endang Rahmat, Abung Burhanudin, Agun Riana, Ade Moch Busrol Karim, Waskin, Ai Sri Gunturyati…alumni ’88 : Hendra Armala, Neni Andriani, Iin Ratnaningsih, Ida Murdiana, Yuswa, Dede Sudianto, Titien Elviany,Lina Herlina,…alumni ’89 : Kang Saenan, Teti Fathiyah, Judi Harsono, Ki Daus, Heti Mutiurohmah, Liliek Indarum, Ratih Cinta Sumirat…ah seueur pokona mah, eta nembe nu emut/terang..panginten nu tos mejeng mah langkung ti eta.
Akhirna, panginten urang kedah ngahaturnuhunkeun ka teknologi nu tiasa ngabantos urang sadaya silaturahmi, ngabantos urang ngalacak kaayaan sobat-sobat lami nu dipikasono…tapi teu kenging oge ari kacanduan mah, da urang ge gaduh kawajiban anu sanes…(ayeuna seueur kantor nu ngablokir akses pesbuk kanggo karyawan na…da seueur nu kamalinaan berpesbuk ria, ari padamelan nu janten kawajiban utama na diantepkeun…kade urang mah teu kenging kitu nya…?...)

Wassalam…(n-e-n-g-n-d-r-i-e..’88)